Sugar Ray Leonard![]() | |
---|---|
![]() | |
Vida | |
Nacimientu | Charlotte, 17 de mayu de 1956[1] (68 años) |
Nacionalidá |
![]() |
Llingua materna | inglés |
Estudios | |
Estudios |
Parkdale High School (en) ![]() |
Llingües falaes | inglés |
Oficiu | |
Oficiu | boxeador, actor |
| |
Participante
| |
Altor | 1791 mm |
IMDb | nm0005145 |
sugarrayleonard.com | |
![]() |
Sugar Ray Leonard (17 de mayu de 1956, Charlotte) ye un ex-boxeador profesional d'Estaos Xuníos primero na hestoria del boxéu profesional que llogró títulos mundiales en cinco categoríes, y consideráu unu de los más populares y esitosos boxeadores de tolos tiempos.[2]
La so carrera d'amateur foi dafechu sólida ya inigualable ganando munchos campeonatos, ente ellos una Medaya d'Oru nos Xuegos Olímpicos de Montreal 1976, y llogrando un récor de 145-5, 75 por KO.
Llogra'l so afitamientu definitivu en venciendo al daquella campeón mundial Welter del WBC, Wilfred Benítez.
En xunu de 1980, decide midir fuercies con Roberto "Mano de Piedra" Durán, protagonizando la denomada "Engarradiella del Sieglu". Pero surdió la sorpresa y el panamiegu, n'unu de los más emocionantes combates recordaos, gana con toa xusticia. La euforia por otra engarradiella foi tal, que s'entamó la revancha en payares d'esi mesmu añu, onde Leonard recuperaría'l Títulu Mundial, depués de que Durán se negara a siguir la engarradiella trescurriendo l'octavu round nuna engarradiella onde Sugar pidió un tilláu tamañu especial 21 x 21.
En 1981, nuevamente edita unu de los combates más emocionantes de la hestoria del pugilismo, ante Thomas Hearns, pa unificar los títulos WBC y WBA de los Welters. Nel asaltu 14, y tres unes perdures combinaciones, l'árbitru vese obligáu a detener el combate ante la superioridá manifiesta de Sugar. Tres el trunfu ye consideráu'l meyor Pesu Wélter de la hestoria.
En febreru de 1982, los médicos afayen que Leonard tien un desprendimientu de retina, polo cual nun puede siguir engarrando. Ende apaez el so primera retirada del boxéu. Retornó'l 11 de mayu de 1984, noquiando a Kevin Howard en nueve episodios y volvió sumir de los cuadriláteros hasta que tres años más tarde sorprendió al mundu del deporte una vegada más, cuando s'anunció qu'engarraría contra'l campeón medianu Marvin "Marvelous" Hagler. El combate xeneró un enorme interés, y anuncióse como la "Súperpelea de los '80". Ante tolos pronósticos, y nuna espectacular engarradiella, Leonard yera declaráu nuevu campeón de Pesu Medianu del mundu, por decisión estremada, que significó la so tercer coronación en distintes categoríes.
Tres otru anunciu de retiru, en payares de 1988 torna, engarrando con Don Lalonde, pero ye tiráu nel cuartu round por un corte na ñariz. Sicasí llevántase y noquiar nel novenu round, ganando 2 títulos nuna sola engarradiella, el de Pesu Medianu y Llivianu.
En 1989, reedita dos talos clásicos ante Thomas Hearns y Roberto Durán, empatando con Hearns y ganando a Durán por puntos. Mas sicasí'l 9 de febreru del añu siguiente un mozu Terry Norris, n'unu de los sos meyores momentos, gana per decisión unánime a Leonard dándo-y una paliza y, a xuiciu de dalgunos, perdonándo-y un KO. seguro nos últimos asaltos. L'estauxunidense volvió anunciar la so retirada.
En 1997, a los 40 años, fixo la so última apaición, siendo derrotáu ante l'entós ex campeón mundial de pesu llixeru Héctor Camacho. Esi mesmu añu, Leonard foi incluyíu nel Salón de la Fama del Boxéu.